دنیا بھر میں کوروناوائرس کے پھیلاؤ کو روکنے کے لیے مختلف اقدامات اٹھائے جا رہے ہیں وہیں جمعرات کو جنوبی کشمیر کے قصبہ پانپور میں انتظامیہ کی جانب سے وادی کشمیر مزدوری اور تجارت کی غرض سے آئے غیر مقامی باشندوں کی مشاورت (Counselling) کی جا رہی ہے۔
نمائندے کے مطابق تحصیلدار پانپور نے قصبے کے اکثر غیر مقامی باشندوں سے ملاقات کی اور انہیں طبی معائنہ کرنے کی صلاح دی۔
انہوں نے ذرائع ابلاغ کے نمائندوں سے بات کرتے ہوئے کہا کہ اس سلسلے میں تمام غیر مقامی باشندوں کا طبی معائنہ کرایا جائے گا۔
قابل ذکر ہے کہ گذشتہ روز سرینگر میں ایک خاتون کا کووڈ ٹیسٹ مثبت پائے جانے کے بعد کشمیری عوام میں خوف و ہراس کا ماحول ہے اور انتظامیہ کی جانب سے کڑے انتظامات کیے جا رہے ہیں۔
جموں و کشمیر میں کورونا وائرس کو پھیلنے سے روکنے کے لیے گزشتہ ہفتے لیفٹیننٹ گورنر انتظامیہ نے 31مارچ تک جموں و کشمیر میں سبھی تعلیمی اداروں کو بند رکھنے کے ساتھ ساتھ ہوٹلوں اور ریسٹورنٹس کو بھی بند کر دیا ہے۔
یاد رہے کہ دنیا بھر میں کوروناوائرس کے سبب اب تک 9000قیمتی جانیں تلف ہوئی ہیں جبکہ عالمی ادراہ صحت نے اس وائرس کو ’عالمی وبا‘ قرار دیا ہے۔
