وادی میں بارش سے درجہ حرارت میں کمی

گزشتہ روز سے وادی میں وقفے وقفے سے بارش برسنے سے موسم میں تبدیلی واقع ہوئی ہے۔

بدھ اور جمعرات کی درمیانی شب سے وادی میں زبردست بارشوں کا سلسلہ شروع ہوا، بالائی اور پہاڑی علاقوں کے ساتھ ساتھ میدانی علاقوں میں بھی باران رحمت سے درجہ حرارت میں نمایاں کمی واقع ہوئی۔

وقفے وقفے سے ہو رہی بارش کے سبب عام زندگی مفلوج سی ہو گئی ہے۔

کئی سڑکیں زیر آب ہوگئی ہیں، اور لوگوں کو آمد و رفت میں دقت پیش آرہی ہے۔

ادھر محکمہ موسمیات کی جانب سے جمعرات شام سے آسمان صاف ہونے اور موسم میں بہتری کی پیشگوئی کی گئی ہے۔