کمشنر سیکریٹری ہائر ایجوکیشن طلعت پرویز نے جمعرات کو نوڈل افسر اسکول ایجوکیشن یاسمین شاہین کے ہمراہ گورنمنٹ ڈگری کالج پانپور کا دورہ کیا جہاں انہوں نے ایک ادبی تقریب میں شرکت کی۔
ادبی تقریب میں کالج عملہ اور کالج میں زیر تعلیم طلباء اور ان کے والدین نے بھی شرکت کی۔
تقریب کے دوران تعلیم کی افادیت اور اہمیت پر خصوصی تقرریں کی گئیں، جبکہ کمشنر سیکریٹری نے تعلیم کے ساتھ ساتھ طلباء کو ٹیکنکل ایجوکیشن کی طرف مائل ہونے پر بھی زور دیا۔
انہوں نے کہا کہ تعلیم کے ساتھ ساتھ اگر طلباء تکنینی طور پر ماہر ہونگے تو وہ اپنے آپ کے علاوہ دیگر افراد کے لیے بھی روزگار کے وسائل پیدا کر سکتے ہیں۔
پروگرام کے دوران کمشنر سیکریٹری نے کالج میگزین ”شہر زعفران“ کی رسم رونمائی بھی انجام دی۔ جبکہ انہوں نے کالج احاطے میں زیر زیر تعمیر جدید عمارت کے کام کاج کا بھی جائزہ لیا وہیں انہوں نے کالج میں موجود جم سنٹر کا بھی افتتاح کیا اور بعد ازاں کالج لائبریری کی سنگ بنیاد ڈالی۔
