پامپور (پلوامہ): امرناتھ یاترا مکمل ہونے پر چھڑی مبارک(بھگوان شیو کی چاندی کی چھڑی) کو آخری پوجا کے لیے امرناتھ گھپا پہنچایا جاتا ہے جہاں سیکنڑوں یاتری پوجا پاٹھ کرتے ہیں اور اسی پوجا کے ساتھ سالانہ امرناتھ یاترا اپنے اختتام کو پہنچتی ہے۔ اسی کڑی کے تحت آج چھڑی مبارک کو سرینگر سے پہلگام کی طرف روانہ کیا گیا ہے اور سرینگر سے روانہ ہوتے ہی آج صبع چھڑی مبارک کو دوسرے پڑاؤ کے لیے شیو مندر پانپور پہنچایا گیا جہاں خصوصی پوجا پارٹ کی گئی اور ملک کی امن و امان کے لیے دعا کی گئیں۔
چھڑی مبارک کو سادھوں کے ایک گروپ نے شیو مندر پانپور پہنچایا جس کی قیادت چھری مبارک کے نگراں مہنت دیپندر گری کر رہے تھے۔ شیو مندر میں پوجا کے دوران جہاں سادھوں نے پوجا پاٹھ میں شرکت کی، وہیں پانپور کے مقامی پنڈتوں نے بھی شیو مندر کی پوجا میں شمولیت اختیار کی۔
شیو مندر پانپور میں دوسرا پڑاؤ مکمل ہونے کے بعد چھڑی مبارک کو امرناتھ غار کی طرف اپنی آخری منزل کے لیے روانہ کیا گیا ہے جہاں آخری پوجا کے بعد رواں سال کی امرناتھ یاترا اپنے اختتام کو پہنچے گی۔
شیو مندر پانپور میں پوجا کے بعد مہنت دیپندر گری نے میڈیا سے بات کرتے ہوئے کہا کہ "چھڑی مبارک کا پہلا پڑاؤ پانپور ہوتا تھا جب چھڑی مبارک کو لیکر یاتری پیدل سفر کرتے تھے، لیکن بعد میں نامساعد حالات کی وجہ سے پد یاترا نہیں ہوئی جس کے بعد کچھ وقت تک چھڑی مبارک کو پانپور نہیں لایا جا رہا تھا تاہم اب حالات بہتر ہو چکے ہیں اور اب چھڑی مبارک کو سرینگر کے دو پڑاؤں کے بعد پانپور میں تیسرے پڑاؤ کے لۓ پہنچا کر خصوصی پوجا کی جاتی ہے۔ انہوں نے کہا انتظامیہ نے یاترا کو خوش اسلوبی سے انجام دینے کے لیے بہترین اقدامات کیے ہوئے تھے جس پر انہیں بہت خوشی ہوئی ہے۔
مزید پڑھیں: Amarnath Chhari Mubarak چھڑی مبارک دشنامی اکھاڑہ سرینگر سے پوتر گھپا کیلئے روانہ
انہوں نے کہا کہ وہ بجبہاڑہ کے لئے روانہ ہوں گے جہاں پوجا پاٹھ کی جائے گی اور پھر مارٹنڈ مندر مٹن، گنیش پورہ، پہلگام، چندن واری اور شیش ناگ جائیں گے، اور آخر میں امرناتھ کے پوتر گھپا پہنچیں گے، جہاں خصوصی پوجا پاٹھ کے رواں سال کی یاترا مکمل ہو جائے گی۔
