جنوبی کشمیر کے ضلع پلوامہ کے ابھاما دیہات میں دوران شب نقب زنوں نے سیب کے 250 باکس (Box) لوٹ لیے۔
متاثرہ امتیاز احمد میر نے بتایا کہ علاقہ کے رہائشی پاکستان اور بھارت کے مقابلے میں کھیلے گئے کرکٹ میچ سے لطف اندوز ہورہے تھے اسی دوران نقب زنوں نے ان کے سیب کے قریب 250 باکس لوٹ لیے۔
انہوں نے چوری کئے گئے سیب کے باکس کی قیمت قریب 22 لاکھ روپے بتائی۔
- مزید پڑھیں: برفباری کے سبب میوہ باغات کو نقصان
انہوں نے کہا کہ سیب کے باکس بازار میں فروخت کیے جانے کے لیے باغ میں رکھے تھے تاہم صبح ہوتے ہی انہوں نے دیکھا کہ سیب کے باکس نقب زنوں نے لوٹ لیے ہیں۔
قابل ذکر ہے کہ ابھاما گاؤں میں رواں سیزن سیبوں کی نقب زنی کی یہ دوسری واردات ہے۔
