سنگروانی، پلوامہ: ضلع انتظامیہ پلوامہ نے آج ضلع کے گورنمنٹ ہائی اسکول سنگروانی میں بلاک دیوس پروگرام کا انعقاد کیا۔ اس پروگرام کی صدارت ضلع ترقیاتی کمشنر پلوامہ ڈاکٹر بشارت قیوم نے کی جہاں ضلع اور سیکٹرل افسران مقامی پی آر آئی سنگروانی اور دیگر ملحقہ دیہاتوں کے مقامی نوجوانوں کے وفود نے اپنے مطالبات اٹھائے۔ ڈی سی نے انہیں صبر سے سماعت کی اور متعلقہ ضلعی سیکٹرل سربراہان کو مقررہ وقت کے اندر زیر التواء شکایات کے ازالے کرنے کی ہدایت دی۔
یہ بھی پڑھیں:
پی آر آئی عوام کی طرف سے پیش کی جانے والی شکایات پر ڈی سی نے افسران سے عوام کے حقیقی مطالبات کو مقررہ وقت میں پورا کرنے کے لیے عزم کا اظہار کیا۔ انہوں نے متعلقہ افسران پر زور دیا کہ وہ عوامی خدمات کی تیز رفتار فراہمی کو یقینی بنائیں اور عام لوگوں کو بہتر سہولیات کی فراہمی کے لیے مختلف شعبوں کے تحت بہتری کے کام کریں۔ انہوں نے متعلقہ محکموں سے کہا کہ وہ عوام کی سہولت کے لیے مختلف اسکیموں اور عوامی فلاح و بہبود کے اقدامات کے بارے میں بیداری پیدا کریں۔
علاقے کی مضبوط ترقی پر زور دیتے ہوئے ڈی سی نے متعلقہ افراد کو ہدایت کی کہ وہ تمام جاری ترقیاتی منصوبوں بشمول واٹر سپلائی اسکیم پر تیزی سے کام کی تکمیل کو یقینی بنائیں جو کہ مقامی لوگوں کا دیرینہ مطالبہ ہے۔ بعد ازاں ڈی سی نے زیر تعمیر واٹر سپلائی اسکیموں اور آیوش ہیلتھ سنٹر کا معائنہ کیا۔ انہوں نے مزید کہا کہ مذکورہ علاقہ میں پیش آنے والی دشواریوں کو جلد از جلد دور کیا جائے گا، اس کے علاوہ جو بھی ترقیاتی منصوبے زیر تعمیر یا زیر التوا ہیں انہیں بر وقت مکمل کرنے کی ہدایت دی گئی ہے۔
