عوامی مسائل کو بروقت حل کرنے کے لیے آج ترال ٹاون ہال میں بلاک دیوس کا اہتمام کیا گیا تھا۔
بلاک دیوس میں تقریباً تمام سب ضلع آفیسرز نے شمولیت کی، بی ڈی او آری پل سمیر احمد نے بلاک دیوس کی صدارت کی۔ اس دوران درجنوں عوامی وفود نے بجلی، سڑک پانی اور دیگر روزانہ بنیادی مسائل متعلقہ حکام کی نوٹس میں لائے جس میں بہت سارے مسائل موقع پر ہی حل کیے گئے جبکہ دیگر معاملات متعلقہ حکام کی نوٹس میں لائے گئے۔
ای ٹی وی بھارت کے ساتھ بات کرتے ہوئے بی ڈی او آری پل سمیر احمد نے بتایا کہ بلاک دیوس کا ہر بدھ کو اہتمام ہوتا ہے جس دوران عوام کو درپیش مسائل کا جائزہ لیا جاتا ہے اور انہیں موقع پر ہی حل کرنے کی کوشش کی جاتی ہے۔ آج بھی بہت سارے معاملات زیر بحث لائے گئے اور عوامی وفود نے اپنے معاملات یہاں پیش کئے۔
انہوں نے کہا کہ بلاک دیوس کی کامیابی یہی ہے کہ عوام ہر بدھ کے روز یہاں تشریف لاتی ہے اور اس طرح عوام اور انتظامیہ کے درمیان بہتر تال میل پیدا ہوتا ہے۔
