وادی کشمیر کے انتظامیہ کی جانب بیشتر اضلاع کے سب ڈویژنوں میں بلاک دیوس کا اہتمام کیا گیا۔
ادھر ضلع انتظامیہ اننت ناگ کی جانب سے ضلع صدر مقام اور ضلع کے تمام سب ڈویژنوں میں بلاک دیوس کا اہتمام کیا گیا۔
مختلف محکموں سے وابستہ سرکاری افسران نے کئی علاقوں کا دورہ، جس دوران انہوں نے لوگوں کے مسائل اور مطالبات غور سے سنے۔ اس موقعہ پر لوگوں کی ایک بڑی تعداد سمیت لائن ڈپارٹمنٹ کے افسران موجود رہے۔
پروگرام کے دوران لوگوں نے اپنی شکایات اور مطالبات کو افسران کے سامنے اجاگر کیا، جس دوران افسران نے موقعہ پر ہی متعلقہ ذمہ داران کو لوگوں کے تمام جائز مطالبات اور شکایات کا ازالہ ممکن بنانے کی ہدایت دی۔
افسران نے لوگوں کو یقین دلایا کہ دیگر بڑے مطالبات و شکایات کو اعلی حکام کی نوٹس میں لایا جائے گا۔ تاکہ ان کا ازالہ بھی ممکن ہو سکے۔
ضلع پلوامہ کے ٹاون ہال پانپور میں لوگوں کے شکایات سننے اور ان کا ازالہ کرنے کے غرض سے بلاک دیوس پروگرام کا انعقاد کیا گیا۔
اس موقع پر ضلع ترقیاتی کمشنر پلوامہ ڈاکٹر رگھو لنگر نے لوگوں کے شکایات سنے اور انہیں یقین دلایا کہ ان کے جاٸز مطالبات اولین ترجیحی کے ساتھ حل کیے جائیں گے۔ ڈی سی نے موجودہ افسروں کو لوگوں ہدایت دی کہ وہ ان کاموں کو ترجیحی بنیادوں کے ساتھ حل کرنے کی کوشش کریں جو زیادہ ضروری ہے۔
پروگرام کے دوران مختلف علاقوں سے آۓ ہوۓ لوگوں نے متعلقہ علاقے کے شکایات درج کرآۓ تاکہ انہیں جن مشکلاتوں کا سامنا درپیش ہے ان کا ازالہ کیا جا سکے۔
