بی جے پی کی جانب سے آج ضلع پلوامہ کے مختلف علاقوں کے عہدے داراران کے ساتھ ورکنگ کمیٹی میٹنگ منعقد ہوئی۔ جس میں بی جے پی کے ترجمان کے علاوہ ضلع صدر نے شرکت کی۔
میٹنگ میں مرکزی حکومت کی جانب سے متعارف کرائی گئی اسکیموں کے حوالے سے بھی بات کی گئی اور مختلف علاقوں کے عہدے داران کو تلقین کی کہ وہ ان اسکیموں کے بارے میں عام لوگوں کو آگاہ کریں۔
اس موقع پر بی جے پی ترجمان الطاف ٹھاکر نے کہا کہ سبھی کارکن لوگوں کی فلاح و بہبود کے ساتھ ساتھ پارٹی کی بہبود کے لیے کام کریں اور پارٹی کو زمینی سطح پر مضبوط بنائیں۔
الطاف ٹھاکر نے کہا 'اس میٹنگ کا مقصد آنے والے تین مہینوں کے لیے حد مقرر کرنا ہے اور یہ بھی جانکاری حاصل کرنا ہے کہ گزشتہ تین ماہ میں ہم نے کون سا ہدف حاصل کیا۔
یہ بھی پڑھیے
پاکستانی ایئرلائنز سے مشابہت رکھتا غبارہ جموں سے برآمد
انہوں نے کہا کہ وزیر اعظم مودی نے پہلے ہی کہا ہے کہ بی جے پی حکومت غریبوں کی حکومت ہے، جس پر ہم عمل پیرا ہیں۔ حکومت نے آج تک غریبوں کے لئے 134 مختلف اسکیمیں لانچ کی ہیں۔
