ترال: جموں و کشمیر کے ترال میں سیر جاگیر اور امیر آباد سمیت دیگر متعدد مقامات پر پروگرامز منعقد کیے گئے جہاں عوامی وفود نے اپنے اپنے مسائل کے حوالے سے حکام کو آگاہ کیا جبکہ دہی ترقی کے مالی سال 2023 کا پروگرام بھی مرتب کیا۔
سیر جاگیر میں منعقدہ پروگرام کی صدارت پی ایم جی ایس وائی کے چیف انجینئر تنویرہ میر نے کی جبکہ اے ڈی سی ترال شبیر احمد رینہ، ڈی ڈی سی آری پل منظور گنائی اور دیگر لوگ اس موقع پر موجود رہے حکام نے ازخود لوگوں کے مسائل کو سنا اور ان پر ہمدردانہ غور و خوض کرنے کی یقین دہانی کرائی ۔ Back to Village Program Held In Tral
امیر آباد میں منعقد بیک ٹو ولیج کی صدارت آصف حمید خان ممبر سپیشل ٹریبیونل نے کی جبکہ تحصیلدار ترال سجاد احمد کے علاوہ لوگوں کی ایک بڑی تعداد بھی موجود تھی جنھوں نے رابطہ سڑک، بجلی، پانی اور دیگر مسائل کے مسائل ریکارڈ کرائے لوگوں نے بیک ٹو ولیج کی کارکردگی کے حوالے سے متضاد آرا پیش کی اور کہا کہ کچھ مسائل ان سے حل ہوئے ہیں اور کچھ مسائل حل ہونا ابھی باقی ہے ۔ Back to Village Program Held In Tral
تاہم ڈی ڈی سی ممبر آری پل منظور گنائی نے میڈیا کو بتایا کہ بیک ٹو ولیج پروگراموں میں آفیسران کی عدم شرکت سے لوگوں کے مسائل حل نہیں ہو رہے ہیں اسلیے گورنر انتظامیہ کو اس بارے میں مداخلت کرنی چاہیے ۔ انہوں نے عوام پر زور دیا کہ لوگوں کو اپنے مسائل کے بروقت ازالے کے لیے ان پروگراموں میں شرکت کرنی چاہیے تاکہ ان کو گھر کی دہلیز پر لازمی سہولیات دستیاب ہو۔
یہ بھی پڑھیں : Dilapidated Condition of Dak Bungalow Building منڈی کے گلی میدان میں واقع ماڈل ویلج کا ڈاک بنگلہ خستہ حالی کا شکار
