ضلع پلوامہ میں گھریلو دستکاریوں کو فروغ دینے کے لیے محکمہ ہینڈی کرافٹس اور ہینڈلوم کی طرف سے آج ٹاون ہال ترال میں ایک تربیتی اور جانکاری پروگرام منعقد کیا گیا۔ جس میں اڈیشنل ڈپٹی کمشنر ترال شبیر احمد رینا بطور مہمان خصوصی شامل ہوئے۔
اس پروگرام میں محکمہ ہینڈی کرافٹس کی طرف سے دی جانے والی مختلف اسکیموں کے بارے میں حاضرین کو مفصل جانکاری فراہم کی گئی۔
پروگرام میں خواتین کی ایک بڑی تعداد نے شرکت کی جبکہ ماہرین نے اس موقع پر ہینڈی کرافٹس محکمے کے ساتھ جڑی خواتین کو مرکزی معاونت والی مختلف اسکیموں کے بارے میں جانکاری فراہم کی اور انہیں خود روزگار کمانے کی ترغیب دی گئی۔
یہ بھی پڑھیے
دفعہ 370 کی منسوخی کے بعد کلچرل اکیڈمی میں تبدیلیاں
اس موقع پر اسسٹینٹ ڈائریکٹر ہینڈی کرافٹس پلوامہ عبدل قدیر چاڑک نے بتایا 'ہینڈی کرافٹس اور ہینڈلوم محکمہ دستکاریوں کو فروغ دینے کے لیے ہمہ تن مصروف ہے اور سماج میں خواتین کو روزگار فراہم کرنے کے لیے اس طرح کے جانکاری کیمپ جاری رہیں گے۔
