اونتی پورہ: جوبیارہ میں عوام پانی سے محروم

مقامی لوگوں کا کہنا ہے کہ قومی شاہراہ پر واقع اس گاؤں کو انتظامیہ پانی فراہم نہیں کر سکتا ہے تو دور دراز علاقے میں صورتحال کیا ہوگی، اس کا اندازہ لگایا جا سکتا ہے۔

انتظامیہ کے دعؤوں کے باوجود عوام کو اس جدید دور میں بھی بنیادی سہولیات کی عدم دستیابی ہے۔ سرینگر جموں قومی شاہراہ پر واقع پلوامہ کے اونتی پورہ میں واقع جوبیارہ گاؤں میں عوام کو دو بوند پانی کے لیے دریائے جہلم کا رخ کرنا پڑ رہا ہے حالانکہ جل شکتی محکمہ کی طرف سے وہاں پر چار سال قبل ایک واٹر سپلائی اسکیم تو شروع کی گئی اور وہاں پانی بھی دستیاب کرایا گیا لیکن حیرت کی بات یہ ہے کہ اس اسکیم کو اب تک عوام کو وقف نہیں کیا گیا ہے۔

مقامی لوگوں کے مطابق ان کو نہ جانے کن گناہوں کی سزا دی جا رہی ہے کیونکہ ان کو پینے کے پانی کی عدم دستیابی سے مشکلات درپیش ہے۔ پانی لینے کے لیے خواتین کو کئی کلومیٹر دور جانا پڑتا ہے۔

ای ٹی وی بھارت کے ساتھ بات کرتے ہوئے ایک مقامی شہری نے الزام لگایا کہ قومی شاہراہ پر واقع اس گاؤں کو انتظامیہ پانی فراہم نہیں کر سکتا ہے تو دور دراز علاقے میں صورتحال کیا ہوگی؟

مقامی لوگوں نے ایل جی انتظامیہ سے درخواست کی ہے کہ جوبیارہ اونتی پورہ میں واٹرسپلای اسکیم کو جلد از جلد عوام کو وقف کیا جائے۔