پلوامہ: اسلامک یونیورسٹی آف سائنس اینڈ ٹیکنالوجی، اونتی پورہ میں فسٹ انٹر کالج اتھلیٹک چمپئن شپ کا انعقاد یونیورسٹی کے سینتھٹک گراؤنڈ میں کیا گیا۔ Athletic Championship Organised at IUST جنوبی کشمیر کے مختلف کالجز کے درجنوں طلبہ و طالبات نے شرکت کی۔ چمپئن شپ میں امتیازی پوزیشن حاصل کرنے والے کھلاڑیوں کو انعامات و اسناد سے نوازا گیا۔ تاہم ضلع بھر سے شرکت کرنے والے کھلاڑیوں نے فزیکل ایجوکیشن ڈپارٹمنٹ، اسلامک یونیورسٹی کی جانب سے کیے گئے انتظامات کو غیر تسلی بخش قرار دیا۔
گولڈ میڈل حاصل کرنے والے ثاقب نصیر نے میڈیا کو بتایا کہ اس قسم کے ایونٹ میں شمولیت سے ذہنی تناؤ دور ہوتا ہے اور انسان کی بہتر نشو و نما ہوتی ہے۔ اسی کے ساتھ اس سے نوجوانوں کو سماجی برائیوں خصوصاً منشیات سے دور رکھنے میں مدد ملتی ہے۔ Islamic University of Science and Technology
اس موقع پر یونیورسٹی کے وائس چانسلر پروفیسر شکیل احمد رومشو بطور مہمان خصوصی جب کہ رجسٹرار یونیورسٹی پروفیسر نصیر اقبال مہمان ذی وقار کے طور پر شامل رہے۔ یونیورسٹی کے وائس چانسلر پروفیسر شکیل احمد رومشو نے بتایا کہ مستقبل میں یونیورسٹی ایک بڑے ایونٹ کا انعقاد کرے گی جس میں نہ صرف یو ٹی بلکہ بیرون ریاستوں کے کھلاڑیوں کو بھی مدعو کیا جائےگا۔
