پلوامہ مہں شام کو ٹریفک جام کے تعلق سے مقامی لوگوں کی طرف سے بار بار آنے والی شکایات کے پیش نظر ضلع ترقیاتی کمشنر پلوامہ ڈاکٹر رگھو لنگر کی ہدایت پر محکمہ موٹر اینڈ وھیکل پلوامہ کے ملازمین نے اے آر ٹی او پلوامہ کی زیر صدارت ٹاؤن میں گاڑیوں کی چیکنگ کی۔
اس ٹیم کی قیادت اے آر ٹی او پلوامہ معظم علی نائب تحصیلدار پلوامہ اور ایگزیکٹو آفیسر میونسپل کمیٹی پلوامہ کررہے تھے حکام نے شام کے وقت سیکڑوں گاڑیاں ٹریفک قوانین کی خلاف ورزی، غلط پارکنگ، سڑکوں پر گاڑیوں کی عدم استحکام، تیز رفتاری اور گاڑی چلاتے وقت موبائل کے استعمال کے لئے چیک کیا۔
مہم کے دوران متعدد گاڑیاں کا چالان کیاگیا۔ اور موٹر وہیکل ایکٹ کے مختلف سیکشن کے تحت خلاف ورزی کرنے والوں سے 33 ہزار 500 روپے بطورچالان وصول کیے گئے، جبکہ 50 گاڑیاں بلیک لسٹ بھی کی گئیں۔
اے آر ٹی وی پلوامہ نے کہا ٹریفک قوانین کی خلاف ورزی سڑک کے حادثات کا باعث بنتی ہے اور روزانہ کی بنیاد پر سیکڑوں افراد کی موت ہوتی ہے۔ انہوں نے کہا کہ قوانین پر عمل کر کے زیادہ تر سڑک حادثات کو روکا جا سکتا ہے۔
مزید پڑھیں:
اننت ناگ: بجلی کی عدم دستیابی سے عوام پریشان
اے آر ٹی او نے مزید کہا کہ موبائل فون کا استعمال، رات کے وقت بیک لائٹ کا استعمال اور سیٹ بیلٹ کا استعمال نہ ہونا ایک عام جرم ہے۔ انہوں نے ڈرائیوروں سے اپیل کی کہ وہ ڈرائیونگ کے دوران فرائض اور ذمہ داریوں کو ذہن میں رکھیں۔
