پلوامہ میں حادثاتی فائرنگ میں فوجی اہلکار زخمی

جموں و کشمیر کے ضلع پلوامہ کے ملنگ پورہ علاقے میں ایک فوجی اہلکار کی بندوق سے اچانک فائرنگ ہونے سے ساتھی فوجی اہلکار زخمی ہو گیا۔

اطلاعات کے مطابق ملنگ پورہ علاقے کو فوجی کی 55 آر آر نے محاصرے میں لیا تھا۔ سرچ آپریشن کے دوران ایک فوجی اہلکار کی بندوق سے اچانک گولی نکل کر ان کے ساتھی کے پیر پر لگی۔ گولی لگنے سے وہ زخمی ہو گیا۔

زخمی فوجی اہلکار کی شناخت شام لال کے طور پر ہوئی ہے۔

شام لال کو فوری طور آرمی ہسپتال منتقل کیا گیا۔

دفاعی ذرائع نے اس حادثے کی تصدیق کی ہے۔