محکمہ بجلی کو پرائیویٹائزین کے منصوبہ کے خلاف اونتی پورہ ڈویژن میں بجلی ملازمین نے شدید سردی کے باوجود زور دار احتجاج کیا۔
اس دوران احتجاجی ملازمین 'بجلی محکمے کی نجکاری نہیں چلے گی' اور 'یہ فیصلہ نا منظور نا منظور' کے نعرے بلند کر رہے تھے۔
اس موقع پر میڈیا سے گفتگو کرتے ہوئے فاروق احمد متو سینٹرل ممبر ایلکٹریکل ایمپلائز یونین نے بتایا کہ مرکزی حکومت بجلی محکمہ کی نجکاری چاہتی ہے جو ہم قطعاً برداشت نہیں کریں گے۔
انہوں نے مزید بتایا کہ حکومت ڈیلی ویجروں کی مستقلی کے حوالے سے غیر سنجیدہ ہے اور جن کیجول ملازمین نے محکمہ کو اپنا خون دیا ہے ان کی مستقلی کے لیے کوئی قدم نہیں اٹھایا جا رہا ہے۔
ڈیلی ویجز یونین اونتی پورہ کے صدر معراج الدین نے بتایا کہ اگر سرکار نے ڈیلی ویجز پر کام کرنے والے ملازمین کی مستقلی کے حوالے سے اقدامات نہیں اٹھائے تو وہ احتجاج میں شدت لائیں گے۔
