ترال:پستونہ ترال کے جنگلات میں دو روز سے لگی آگ پر محکمہ جنگلات نے آج قابو پا لیا۔ اس سلسلے میں ای ٹی وی بھارت کے ساتھ بات چیت کرتے ہوئے رینج آفیسر ترال جاوید احمد ملک نے بتایا کہ خشک موسمی صورت حال کی وجہ سے آگ کی وارداتوں میں اضافہ درج کیا جا رہا ہے ۔
ترال جنگلات میں لگی آگ پر قابو پا لیا گیا
انہوں نے کہا کہ جونہی محکمے کو یہ اطلاع ملی کہ پستونہ کے جنگلات میں واقع کمپارٹمنٹ نمبر چھبیس اور ستائیس میں آگ لگ گئی، تو انہوں نے محکمے کے عملے کو متحرک کیا اور دو دن کی مشقت کے بعد آگ پر قابو پالیا گیا ہے۔
یہ بھی پڑھیں:
انہوں نے مزید بتایا کہ آگ سے سبز سونے کو نقصان نہیں پہنچا البتہ فارسٹ ایریا میں موجود گھاس پھوس اور لکڑیاں جل گئی ہے۔جاوید احمد ملک نے بتایا کہ جنگلات کے نزدیک رہاش پزیر آبادی کو آگ جلانے کے بعد احتیاط کرنا چاہئے تاکہ کوئی چنگاری جنگل کی طرف نہ پھیلے۔
