جنگلی جانور آبادی کا رخ کرنے پر مجبور

موسم سرما کے پیش نظر جموں و کشمیر میں ان دنوں شدید برفباری ہورہی ہے ایسے میں جنگلی جانورغذا کی تلاش میں آبادی کارخ کرر ہے ہیں، جبکہ اس تعلق سے محکمہ وائلڈ لائف نے پہلے ہی انتباہ جاری کر رکھا ہے۔

جموں و کشمیر کے ضلع پلوامہ کے ارگچک علاقے میں ایک چیتے کا بچہ نظر آیا، جسے مقامی لوگوں نے پکڑ لیا ہے۔

جموں و کشمیر میں ان دنوں شدید سردی کے باعث برفباری ہورہی ہے، جس کے سبب جنگلی جانور کھانے کی تلاش میں ادھر ادھر بھٹکتے ہوئے انسانی آبادی کا رخ کررہے ہیں۔ جبکہ اس تعلق سے محمکہ وائلڈ لائف نے پہلے ہی انتباہ جاری کیا ہے کہ شدید برف باری کی وجہ سے جنگلی جانور میدانی علاقوں کا رخ کرسکتے ہیں۔

مقامی لوگوں نے اس بات کی اطلاع محمکہ وائلڈ لائف کو دی ہے تاہم برفباری کے سبب راستہ نہ ہونے کی وجہ سے محمکہ وائلڈ لائف نے اسے علاقے میں ہی رکھنے کو کہا ہے۔

چیتے کا بچہ ارگچک علاقے میں نظر آیا جس کے بعد ایک مقامی بشیر احمد نے اسے پکڑ کر انپے گھر میں رکھ لیا ہے۔