وادی کشمیر کے مشہور عالم دین و میر واعظ جنوبی کشمیر مرحوم مولانا محمد یاسین ہمدانی کے29 ویں یوم وصال کے موقع پر جمعہ کو مختلف مقامات پر تقاریب منعقد ہوئیں۔
مولانا یاسین ہمدانی کے 29ویں یوم وصال پر پانپور میں تقریب
اس سلسلےمیں سب سے بڑی تقریب قدیم خانقاہ معلیٰ پانپور میں منعقد ہوئی جہاں علماء کرام نے مرحوم کو تاریخ ساز اسلامی شخصیت قرار دیتے ہوئے ان کی مذہبی خدمات، وعظ اور تبلیغ پر روشنی ڈالی۔
تقریب کی صدارت ان کے فرزند مولانا ریاض ہمدانی نے انجام دی جبکہ وادی کشمیر کے مختلف علاقہ جات سے آئے ہوئے علماء نے بھی اس موقع پر عوام سے خطاب کرتے ہوئے مرحوم کی حیات پر روشنی ڈالی۔
مزید پڑھیں: جموں و کشمیر کو گلیشرز سے خطرہ ؟
تقریب کے بعد مرحوم کے مقبرہ پر اجتماعی فاتحہ خوانی انجام دی گئی اور ان کے حق میں دعاء مغفرت کی گئی۔
