ضلع پونچھ کی تحصیل مہنڈر کے بالاکوٹ سے ضلع ترقیاتی کونسل میں حصہ لینے والی کانگریس امیدوار سائقہ شریف خان نے پریس کے نام جاری ایک بیان میں کہا کہ وہ عوام کی خوشحالی اور بالاکوٹ کی تبدیلی کے لئے اس انتخاب کا حصہ بنی ہیں۔
انہوں نے کہا کہ سرحدی علاقہ بالاکوٹ کی عوام گزشتہ کئی دہائیوں سے سرحدی کشیدگی کا شکار ہے۔ میں یہاں کے لوگوں کے تحفظ کے لئے بنکر تعمیر کروا کر یہاں کے عوام کو تحفظ فراہم کروں گی۔
انہوں نے کہا کہ بالاکوٹ کا مستقبل تبھی روشن ہوسکتا ہے جب اس علاقے کے بچے اعلی تعلیم سے آشنائی حاصل کریں گے۔ میں یہاں کے بچوں کی تعلیم کا معقول انتظام کروں گی، تاکہ یہاں کے بچے پرامن طریقے سے تعلیم حاصل کرسکیں۔
یہ بھی پڑھیں: چار روز تک جموں سرینگر شاہراہ پر ٹریفک معطل رہے گا
انہوں نے اپنے منشور کو عوام کے سامنے رکھتے ہوئے کہا کہ پانی، بجلی، سڑک، تعلیم طبی سہولیات کے ساتھ ساتھ کسانوں کی بہتری و خوشحالی کے لئے کام کرونگی۔ اس دوران انہوں نے لوگوں سے اپیل کرتے ہوئے کہا کہ یہ تمام تر چیزیں تبھی ممکن ہوسکتی ہیں، جب آپ اپنا قیمتی وؤٹ دے کر مجھے اس قابل بنائیں گے اور مجھے خدمت کا موقع عنائت کرو گے۔
انہوں نے لوگوں سے اپیل کی کہ وہ اپنا قیمتی وؤٹ ان کے حق میں ڈال کر کامیاب بنائیں اور اپنے اور علاقے کے مستقبل کو سنواریں۔
