جموں و کشمیر کے ضلع پونچھ میں گزشتہ کئی مہینوں سے لائن آف کنٹرول کے قریب پاکستانی فوج کی جانب سے مسلسل فائرنگ سے لوگوں کے گھروں کو کافی نقصان پہنچا ہے، جبکہ لائن آف کنٹرول سے متصل دیہی علاقوں میں بھی پاکستانی گولہ باری کے بعد مختلف مقامات بکھرے پاکستانی فوج کے ذریعہ داغے گئے زندہ گولے گاؤں کے باشندوں کے لئے پریشانی کا سبب بنے ہوئے ہیں۔ ان گولوں کے کبھی بھی دھماکے ہو جانےسے خوفزدہ دیہی باشندے پریشان ہیں۔
پونچھ ضلع میں بالاکوٹ سے ساوجیاں تک لائن آف کنٹرول کے قریب درجنوں دیہات میں سیکڑوں کی تعداد میں پاکستانی زندہ گولے لوگوں کے گھروں کے قریب، کھیتوں میں اور راستوں میں پڑے ہوئے ہیں۔
ان زندہ گولوں کی وجہ سے لوگ اپنے کھیتوں میں کام کرنے کے لئے جانے سے ڈرتے ہیں۔
یہاں دیہی باشندوں کا کہنا ہے کہ کہیں کھیتوں میں کام کرنے کے دوران زندہ پاکستانی گولوں میں دھماکاہ ہو گیا ان کی جان ہی چلی جائے گی۔
پونچھ ضلع کے بھارت پاکستان لائن آف کنٹرول سے متصل کرماڑا سیکٹر کے آخری گاؤں سیال میں گزشتہ ایک ہفتے میں مسلسل پاکستان کی جانب سے کی گئی فائرنگ میں زندہ بچے تقریباً 12 مورٹار شیل بکھرے ہوئے ہیں۔
