Poonch Urs پونچھ میں سائیں الہی بخش کا عرس پاک

ضلع پونچھ کے لورن علاقے میں دو دوز تک جاری رہنے والے سائی الٰہی بخش رحمہ اللہ کے عرس پاک پر دور سے آنے والے زائرین کے لیے قیام و طعام کا بھی انتظام کیا گیا تھا۔ URS of sayee Ilahi Baksh in Poonch Concludes

پونچھ (جموں و کشمیر) : سرحدی ضلع پونچھ کی تحصیل منڈی میں دور دراز اور پہاڑی علاقہ لورن، بٹل کوٹ میں واقع معروف زیارت گاہ حضرت سائیں الہی بخش رحمت اللہ علیہ کا چھیالیسواں عرس پاک انتہائی عقیدت و احترام کے ساتھ منایا گیا۔ دو روز تک جاری رہنے والے عرس پاک میں پونچھ سمیت ملحقہ اضلاع سے تعلق رکھنے والے افراد نے بلالحاظ مذہب و ملت شرکت کی اور زیارات کی نشاندہی اور تبرکات کی تقسیم سے فیضیاب ہوئے۔

اوقاف اسلامیہ پونچھ کی جانب سے حسب سابق رواں برس بھی لنگر سمیت زائرین کے لیے دیگر انتظامات کیے گئے تھے۔ منتظمین نے بتایا کہ عرس پاک کے ذریعے عوام الناس کو امن و امان، بھائی چارے، پیار و محبت کا پیغام دیا جاتا ہے۔ منتظمین نے دعویٰ کیا کہ ضلع پونچھ سمیت جموں، پنجاب اور دہلی سے بھی زائرین نے عرس پاک میں اپنی شرکت کو یقینی بنایا اور زیارت گاہ پر حاضری دیکر ولی کامل کے تئیں اپنی عقیدت و محبت کا اظہار کیا۔

مولانا جاوید اقبال نعیمی، مقامی امام و خطیب، نے عرس پاک کے حوالہ سے تفصیلات فراہم کرتے ہوئے کہا کہ عرس دو روز تک جاری رہتا ہے اور مقامی کلیڈر کے مطابق ہر سال 3 اور 4 جیٹھ کو منایا جاتا ہے، جس میں بلا تفریق رنگ و نسل، مذہب و ملت کے لوگ شرکت ہوتے ہیں۔ انہوں نے مزید کہا کہ عرس کے موقع پرقرآن خوانی، خطمات المعظمات، درود اذکار کے ساتھ ساتھ علماء کرام کے بیانات بھی ہوئے۔ تبرکات کی تقسیم اور اجتماعی فاتحہ خوانی پر عرس کا اختتام ہوا۔