جموں و کشمیر کے ضلع پونچھ کے سرحدی علاقے پر ہند و پاک افواج کے مابین شدید گولہ باری کا تبادلہ شام کے وقت اچانک شروع ہونے سے مقامی لوگوں میں خوف کا ماحول پیدا ہوگیا۔
سرحدی علاقے دیگوار اور دیگر علاقوں میں فائرنگ کا تبادلہ ہونے کے بعد یہاں کی عوام نے برہمی و ناراضگی کا اظہار کیا ہے۔
لوگوں کا کہنا ہے کہ اس سرحدی کشیدگی نے ہماری زندگیوں کو تاریک کر دیا ہے، ہمارے بچوں کی تعلیم پر بھی اس سرحدی کشیدگی کے انتہائی منفی اثرات مرتب ہو رہے ہیں۔
انہوں نے لیفنینٹ گورنر جموں کشمیر سے اپیل کی ہے کہ سرحد پر ہونے والی اس کشیدگی کا مکمل طور پر خاتمہ کیا جائے، تاکہ ان سرحدی علاقے میں بھی امن کی فضائیں قائم ہوسکیں۔
