Several Goats Killed in Poonch: ملبے میں دب کر 13 بکریاں ہلاک، گھر والوں کا حکومت سے مدد کا مطالبہ

ضلع پونچھ کے بنپت بلاک کے ڈھوکڑی میں گذشتہ رات تقریباً ڈھائی بجے موسلادھاربارش ہوئی، جس کے باعث کئی گھر گر گئے، جب کہ ڈھوکڑی کے رہنے والے خدام حسین ولد محمد حسین کا کچا مکان ملبے کی زد میں آگیا اور 13 بکریاں دب کر مر گئیں۔ 13 Goats were killed in poonch

پونچھ: ضلع پونچھ میں گذشتہ کئی دنوں سے جاری موسلا دھار بارش نے عام زندگی کے نظام کو درہم برہم کر دیا۔ اتوار اور پیر کی درمیانی شب ہونے والی موسلادھار بارش سے کئی گھر منہدم ہو گئے۔ جب کہ ایک مکان کے ملبے کے نیچے ایک شخص کے مویشی دب گئے۔ جانکاری کے مطابق ضلع پونچھ کے بنپت بلاک کے ڈھوکڑی میں گذشتہ رات تقریباً ڈھائی بجے موسلادھار بارش ہوئی جس کے باعث کئی گھر گر گئے۔ جبکہ ڈھوکڑی کے رہنے والے خدام حسین ولد محمد حسین کا کچا مکان ملبے کی زد میں آگیا اور 13 بکریاں دب کر مر گئی۔

مکان گرنے کے حادثے کی اطلاع ملتے ہی علاقے کے لوگ فوری طور پر راحت اور بچاؤ کارروائیوں میں مصروف ہو گئے اور ملبے میں دبے مویشیوں کو بچانے کے لیے کچے مکان کی مٹی، پتھر اور لکڑی کو ہٹایا گیا۔ تقریباً تین گھنٹے تک جاری رہنے والے ریسکیو آپریشن کے دوران دو بکریوں کو بچا لیا گیا جب کہ ملبے میں دبے 13 دیگر مویشی دم توڑ گئے۔ اطلاع ملتے ہی ضلع کی ایک ٹیم پہنچ گئی۔ پولیس نے موقع پر پہنچ کر قانونی کارروائی شروع کر دی۔ متاثرہ کی مدد کے لیے ضلع انتظامیہ سے اپیل کی ہے۔ واضح رہے کہ محمکے موسمیات کے مطابق اگلے چوبیس گھنٹے تک کئی اضلاع میں بارش ہونے کا امکان ہے۔ ساتھ ہی بجلی اور گھن گرن کا بھی امکان ظاہر کیا جا رہا ہے۔ وادی میں آئندہ چند دنوں تک مطلع ابر آلود رہے گا۔