پونچھ : بیوہ خاتون برسوں پہلے معذور ہوئی تھی، اب ہوئی شنوائی

فاطمہ بیگم گزشتہ آٹھ برسوں سے ایک ہی کمرے میں اکیلی بے بس اور بے سہارا ہو کر رہ رہی ہیں اور انہیں سرکای پنشن بھی نہیں مل رہی ہے۔

ضلع پونچھ میں محکمہ سماجی بہبود کے افسر اعظم راتھر نے آج تحصیل منڈی کے سرحدی علاقہ ساوجیاں گنتر کے وارڈ نمبر چھ کا دورہ کیا۔ جہاں انہوں نے 55 سالہ معذور خاتون فاطمہ بیگم سے ملاقات کی۔ فاطمہ بیگم گزشتہ آٹھ برسوں سے ایک ہی کمرے میں اکیلی بے بس اور بے سہارا ہو کر رہ رہی ہیں اور انہیں سرکای پینشن بھی نہیں مل رہی ہے۔

کچھ روز قبل جب یہ خبر منظر عام پر آئی تو انتظامیہ حرکت میں آئی اور آج محکمہ سماجی بہبود کے آفیسر محمد اعظم راتھر نے موقع پر پہنچ کر حالات کا جائزہ لیا۔ اس دوران انہوں نے فاطمہ بیگم کو ایک ماہ کے اندر اندر پنشن کی یقین دہانی کرائی۔ اور ان کے سسر جو کہ چار سال سے معذور ہیں ان کو بھی وہیل چیر فراہم کرانے کی یقین دہانی کرائی۔

اس دوران محکمہ سماجی بہبود کے آفیسر محمد اعظم راتھر نے متعلقہ سرپنچ و پنچوں کو اس کا ذمہ دار کرار دیتے ہوئے کہا 'سرپنچ و پنچ حضرات کی جانب سے آج تک اس خاتون کے کاغذات پنشن کے لئے جمع نہیں کروائے گئے۔ جس کی وجہ سے آج تک فاطمہ بیگم کی پنشن نہیں لگ پائی۔