دیگر ریاستوں کی طرح جموں و کشمیر میں بھی لاک ڈاؤن کے باعث تعلیمی اداروں میں درس و تدریس کی سرگرمیاں معطل کیے جانے کے بعد انتظامیہ نے آن لائن درس و تدریس کا سلسلہ شروع کیا تاہم دور دراز پہاڑی علاقوں کے باشندوں کا دعویٰ ہے کہ طلبہ آن لائن نظام تعلیم سے مستفید نہیں ہو پا رہے ہیں۔
جموں و کشمیر کے سرحدی ضلع پونچھ کے باشندوں کا کہنا ہے کہ غریب اور پسماندہ علاقوں میں موبائل نیٹ ورک اور اسمارٹ فونز کی عدم دستیابی کے سبب طلبہ کی تعلیم متاثر ہو رہی ہے۔
انہوں نے دعویٰ کیا کہ آن لائن نظام تعلیم کے سبب طلبہ خصوصاً کم عمر کے بچوں کی تعلیم کافی حد تک متاثر ہوئی ہے۔
مقامی باشندوں کے مطابق ’’پونچھ کی بیشتر آبادی کے پاس اسمارٹ فون نہیں ہے، ایسے میں طلبہ کیونکر آن لائن تعلیم حاصل کر پائیں گے۔‘‘
مزید پڑھیں؛ پونچھ: منڈی علاقے میں 18 سے زائد عمر کے افراد کے لیے ویکسینیشن کا آغاز
پونچھ کے باشندوں نے مرحلہ وار اور سماجی دوری سمیت دیگر ایس او پیز کا لحاظ رکھتے ہوئے تعلیمی اداروں میں درس و تدریس کا نظام شروع کیے جانے کی مانگ کی ہے۔
