پونچھ: ’بیٹی پڑھاؤ بیٹی بچاؤ‘ کی نسبت سے پروگرام منعقد

سرحدی ضلع پونچھ کی تحصیل منڈی میں ’’بیٹی پڑھاؤ بیٹی بچاؤ‘‘ اور ’’نشہ مکت بھارت‘‘ کی نسبت سے کا پروگرام منعقد کیا گیا۔

ضلع پونچھ کی تحصیل منڈی میں محکمہ سماجی بہبود کی جانب سے ہائیر اسکنڈری اسکول لورن میں ’’بیٹی پڑھاؤ بیٹی بچاؤ‘‘ اور ’’نشہ مکت بھارت‘‘ کے عنوان سے ایک پروگرام منعقد کیا گیا۔

پروگرام کے دوران محکمہ سوشل ویلفئر کے افسران، پنچوں سرپنچوں، آنگن واڑی سپروائیزورں ورکروں اور ہلپرس کے علاوہ مقامی ذی عزت شہریوں اور طلبہ و طالبات نے بھی شرکت کی۔

اس موقع پر ثقافتی پروگرام کے ذریعے لڑکیوں کو پڑھانے کی اہمیت کے ساتھ ساتھ منشیات کے مضر اثرات سے متعلق جانکاری دی گئی۔

پروگرام کے دوران طلبہ و طالبات اور دیگر سماجی کارکنان نے تعلیم کی اہمیت خصوصا لڑکیوں کی تعلیم کے حوالے سے تقاریر کرنے کے علاوہ نوجوانوں کو منشیات سے دور رہنے کی تلقین کی۔

دریں اثنا کروناوائرس کے سبب عائد لاک ڈائون کے دوران بہترین کارکردگی اور خدمات انجام دینے والے افراد کو انعامات سے نوازا گیا۔