ضلع پونچھ میں صنعت کو فروغ دینے کے لیے ضلع انتظامیہ کی ہدایات پر سرکٹ ہاؤس پونچھ میں محکمۂ صنعت و تجارت کی جانب سے ایک ہفتہ طویل تجارتی پروگرام کا انعقاد کیا گیا۔
پروگرام کی صدارت محمد تنویر نے کی۔ اس پروگرام کے مہمان خصوصی ڈسٹرکٹ ڈویلپمنٹ کمشنر پونچھ تھے۔ ہفتے بھر کے پروگرام کے دوران ڈسٹرکٹ انڈسٹریز سنٹر پونچھ، دستکاری، زراعت، باغبانی، محکمۂ سیاحت، پولیس ویلفیئر سنٹر پونچھ اور کئی دیگر محکموں نے اپنی مصنوعات کے ساتھ حصہ لیا۔ اس پروگرام کے دوران صحافیوں کو معلومات دیتے ہوئے ضلع ترقیاتی کمشنر پونچھ اندرجیت نے بتایا کہ حکومت نے خود روزگار کو فروغ دینے کے لیے مختلف اسکیمیں نافذ کی ہیں۔'
- مزید پڑھیں: کشمیری مسلمانوں کو تقسیم کرکے ان پر حکومت کرنا چاہتی ہے مرکزی سرکار: فاروق عبداللہ
- جموں و کشمیر: اوڑی میں دراندازی، ایک درانداز ہلاک ایک گرفتار
اس پروگرام کا مقصد چھوٹے پیمانے کی صنعتوں کو فروغ دینے کے ساتھ ساتھ ضلع کی زراعت، باغبانی، دستکاری، ہینڈلوم اور سیاحتی صلاحیت کو ظاہر کرنا ہے تاکہ لوگوں میں خاص طور پر ضلع میں تیار کی جانے والی مصنوعات کے دائرہ کار کے بارے میں شعور پیدا ہو۔ مزید حکومت کی طرف سے جاری کردہ اسکیموں سے فائدہ اٹھاسکے۔
