سرحدی ضلع پونچھ کے تحصیل آفس منڈی میں ضلع ترقیاتی کمشنر پونچھ کے علاوہ تحصیل و ضلع انتظامیہ سمیت مختلف محکمہ جات کے افسران نے عوامی دربار میں شرکت کی۔ عوامی دربار میں پنچایتی نمائندگان سمیت مقامی باشندوں کی خاصی تعداد نے بھی شرکت کی۔
عوام کو درپیش مشکلات کا جلد ازالہ کیا جائے گا: ڈی سی پونچھ
سرپنچوں، سیول سوسائٹی ممبران سمیت دیگر سماجی کارکنان نے عوام کو درپیش بنیادی ضروریات سے متعلق شکایات کیں، جن میں ترقیاتی کاموں کی تعمیر میں سست رفتاری کے حوالے سخت تشویش کا اظہار کیا گیا۔
اس کے علاوہ راشن، پانی، بجلی، سڑک اور صحت کے حوالے سے دیگر بنیادی مسائل کو عوامی دربار میں ڈی سی پونچھ کو مطلع کیا گیا۔
مزید پڑھیں: منڈی: سرپنچ ایسوسی ایشن کا انتظامیہ کے خلاف احتجاج
ڈی سی پونچھ سمیت دیگر افسران نے لوگوں کو درپیش مسائل کا جلد ازالہ کیے جانے کی یقینی دہانی کی۔
