پونچھ: کووڈ ایس او پیز اور ٹریفک ضابطوں کی خلاف ورزی پر کارروائی

ناکہ بندی کے دوران جن لوگوں نے ماسک نہیں لگایا ہوا تھا ان پر چالان کیا گیا اور جن کے پاس گاڑیوں کے کاغذات نامکمل تھے ان کے چالان بھی کاٹے گئے۔

جموں و کشمیر کے ضلع پونچھ کی تحصیل منڈی میں جموں کشمیر پولیس کی جانب سے ناکہ لگایا گیا۔

جس دوران گاڑیوں کے کاغذات چیک کیے گئے اس کے ساتھ ساتھ کورونا وائرس کے حوالے سے بھی ماسک کی چیکنگ کی گئی۔

اس دوران جن لوگوں نے ماسک نہیں لگایا ہوا تھا ان کا چالان کیا گیا اور جن کے پاس گاڑیوں کے کاغذات نامکمل تھے ان کے چالان بھی کاٹے گئے۔ اس حوالے سے ایس ایچ او منڈی نے بتایا کہ آئے روز حادثات ہورہے ہیں جس کی وجہ سے یہ ناکہ لگایا گیا ہے۔

انہوں نے کہا کہ قانون کی خلاف ورزی کرنے والوں کو ہرگز بخشا نہیں جائے گا۔