ماسک نہیں لگانے والوں پر جرمانہ

جموں و کشمیر کے ضلع پونچھ میں واقع تحصیل مینڈھر میں آج انتظامیہ کی جانب سے ایک مہم چلائی گئی جس میں بغیر ماسک پہنے لوگوں پر جرمانہ عائد کیا گیا۔

کورونا وائرس وبا کی وجہ سے جہاں حکومت نے لوگوں کو احتیاط برتنے کے لیے کچھ قانون نافذ کیے ہیں وہیں اس کی خلاف وارزی کرنے والوں پر کاروائی کی جا رہی ہے۔ مینڈھر میں دکانداروں کو سخت ہدایات دیے گئے ہیں۔ ان سے کہا گیا ہے کہ اگر کوئی بھی قانون کی خلاف ورزی کرتے پایا گیا اس کے خلاف سخت کاروائی کی جائے گی۔

خیال رہے کہ مینڈھر ایس ڈی ایم کی ہدایت پر نائب تحصیلدار اشفاق احمد فانی نے صدارت کرتے ہوئے مینڈھر کے بازاروں کا دورہ کیا۔ اس دوران بنا ماسک والے لوگوں پر کاروائی کرتے ہوئے 5000 روپے جرمانہ وصول کیا ہے۔ اس بات کی جانکاری ایس ڈی ایم مینڈھر ڈاکٹر ساحل جندیال نے دی ہے۔

انہوں نے کہا کہ جو بھی دکان کھولے وہ ماسک لگائے، سوشل ڈسٹینسنگ کا کو یقینی بنائے ورنہ اس پر کاروائی ہوگی اور اس سے جرمانہ وصولا جائے گا۔