عام آدمی خصوصاً غریبوں کو سستے دام پر معیاری دوائیں فراہم کرانے کے مقصد سے حکومت نے مارچ 2022 تک پردھان منتری بھارتیہ جن اوشدھی کیندر (پی ایم بی جے کے) کی تعداد دس ہزار تک بڑھانے کا ہدف رکھا ہے۔ اس ضمن میں جموں و کشمیر کے ضلع پونچھ کی تحصیل منڈی میں بھی ایک پردھان منتری بھارتیہ جن اوشدھی کیندر کا افتتاح کیا گیا۔
اس دوران ضلع ترقیاتی کمشنر پونچھ، بلاک ترقیاتی کونسل منڈی شمیم احمد گنائی، چیف میڈیکل آفیسر پونچھ، بلاک میڈیکل آفیسر منڈی، سرپنچ منڈی مبشر بانڈے سمیت دیگر افراد اس موقع پر موجود رہے۔
افتتاح کے بعد ضلع ترقیاتی کمشنر پونچھ نے اپنے پیغام میں تمام لوگوں کو اسے فائدہ اٹھانے کو کہا۔ کیونکہ باقی ادویات کی دوکانوں سے اس دوکان پر کئی حد تک ادویات کم قیمت مل سکیں گی جس کا عوام کو پورا فائدہ اٹھانا چاہیے اور یہ دوکان کھلنے سے خاص کر غریب عوام کو راحت ملے گی۔'
- مزید پڑھیں: سرینگر: اساتذہ کی ہلاکت پر عمر عبداللہ اور محبوبہ مفتی کا اظہار افسوس
- شہری ہلاکتوں میں اضافہ نے حکومت ہند کے بیانیے کو پاش پاش کر دیا: محبوبہ مفتی
واضح رہے مرکزی حکومت نے مارچ 2022 تک پردھان منتری بھارتیہ جن اوشدھی کیندر (پی ایم بی جے کے) کی تعداد دس ہزار تک بڑھانے کا ہدف مقرر کیا ہے۔ 5اکتوبر2021 تک اسٹوروں کی تعداد 8355 تک بڑھائی گئی ہے۔ یہ سبھی کیندر ملک کے کونے کونے میں لوگوں کو سستی دواؤں کی آسانی سے رسائی کو یقینی بنائیں گے۔
