جنگ بندی کی خلاف ورزی

کئی دنوں کی مسلسل خاموشی کے بعد پاکستان نے پھر جنگ بندی کی خلاف ورزی کرتے ہوئے جموں و کشمیر کے سرحدی علاقے پونچھ میں گولہ باری اور فائرنگ کی۔

جموں کے سرحدی علاقے ضلع پونچھ میں آج دوپہر کو پاکستانی افواج نے لائن آف کنٹرول کے قریب گاؤں کیرنی شاہ پور سیکٹر میں جنگ بندی کی خلاف ورزی کرتے ہوئے موٹار داغے اور چھوٹے بڑے ہتھیاروں سے گولی باری کی۔

جس کے سبب گاؤں میں دہشت کا ماحول بنا ہوا ہے اس سے پہلے بھی پاکستان نے متعدد مرتبہ اس علاقے میں گولہ باری کی ہے۔

مقامی لوگوں کا کہنا ہے کہ وہ اپنے کھیتوں کی کام میں لگے ہوئے تھے، تبھی پاکستانی افواج نے گول باری شروع کردی جس کے بعد کسان کسی طرح اپنی جان بچا کر محفوظ مقام کی طرف بھاگے۔