IED Recovered In Poonch پونچھ میں خاتون سمیت چھ افراد یو اے پی اے کے تحت گرفتار

جموں وکشمیر پولیس اور فوج نے پونچھ میں خاتون سمیت چھ افراد کو حراست میں لے کر اُن کے قبضے سے آئی ای ڈی، پستول اور زائد از چھ کلو ممنوع نشیلی اشیاء برآمد کرکے ضبط کی۔پولیس کا کہنا ہے کہ تحقیقات جاری ہے اور مزید گرفتاریوں کو خارج از امکان قرار نہیں دیا جاسکتا۔IED Recovery case in Poonch

جموں: تفصیلات کے مطابق پونچھ میں پولیس او فوج نے ایک مشترکہ پریس کانفرنس کے دوران بتایا کہ 28ستمبر کے روز پولیس کو مصدقہ اطلاع موصول ہوئی کہ ضلع میں تخریبی کارروائی انجام دینے کی خاطر کئی افراد سرگرم ہوگئے ہیں۔ssp Poonch Press conference on IED Recovery case

انہوں نے بتایا کہ اطلاع موصول ہوتے ہی پولیس، فوج اور دیگر سکیورٹی ایجنسیوں نے ضلع پونچھ کے کئی علاقوں میں آپریشن شروع کیا جس دوران ایک خاتون کے پاس آئی ای ڈی ہونے کے بارے میں پتہ چلا۔

اُن کے مطابق سکیورٹی فورسز کے اہلکاروں نے فوری کارروائی کرتے ہوئے خاتون کو حراست میں لے کر اُس کے قبضے سے ایک آئی ای ڈی برآمد کی جس کو بعد بم ناکارہ بنانے والی ٹیم نے آئی ای ڈی کو ناکارہ بنایا۔پولیس آفیسر کے مطابق پوچھ تاچھ کے دوران خاتون نے بتایا کہ اُس سے یہ آئی ای ڈی خاوند محمد آزاد نے دی تھی۔

انہوں نے کہا کہ مزید انکشافات کے بعد پتہ چلا کہ قمر الدین نامی شخص نے محمد آزاد کو یہ آئی ای ڈی فراہم کی تھی۔اُن کے مطابق مزید تحقیقات کے دوران کمل الدین اور دوسرے افراد کے نام سامنے آئے۔

انہوں نے کہا کہ تفتیش کے دوران معلوم ہوا ہے کہ قمر الدین کے دو بھائی اُس پار کشمیر میں بیٹھے ہیں جو بھارت کے خلاف مسلسل سازشیں رچانے میں ملوث ہیں۔

پولیس آفیسر کا مزید کہنا تھا کہ پاکستانی ہینڈلرز جموں وکشمیر میں امن و امان کی فضا کو درہم برہم کرنے کی سازشوں میں مصروف ہے تاہم سیکورٹی ایجنسیاں بھی مسلسل اُن کے منصوبوں کو ناکام بنا رہے ہیں۔

انہوں نے بتایاکہ خاتون سمیت پانچ افراد کو حراست میں لیا گیا جن کے قبضے سے ایک آئی ای ڈی ، پستول اور چھ کلو سے زائد ممنوع نشیلی اشیاء بر آمد کرکے ضبط کی گئی۔پولیس کے مطابق تحقیقات جاری ہے اور مزید گرفتاریوں کو خارج از مکان قرار نہیں دیاجاسکتا۔

( یو این آئی)