جموں و کشمیر کے ضلع پونچھ میں ایل اور سی سے متصل منکوٹ سیکٹر میں پاکستان نے جنگ بندی کی خلاف ورزی کرتے ہوئے رات میں تقریباً 3:20 بجے موٹار شیلنگ داغے اس کے علاوہ چھوٹے موٹے ہتھیاروں سے بھی فائرنگ کی ۔
بھارتی فوج نے بھی جوابی کارروائی کرتے ہوئے پاکستانی فائرنگ کا بھرپور جواب دیا۔ فی الحال ابھی تک کسی کے زخمی ہونے کی اطلاع نہیں ہے۔
واضح رہے کہ اس سے قبل یکم اکتوبر کو بھی کشمیر کے ضلع کپواڑہ کے نوگام سیکٹر میں صبح کے وقت پاکستان نے جنگ بندی کی خلاف ورزی کرتے ہوئے بلا اشتعال فائرنگ کی جس میں دو فوجی ہلاک جبکہ چار زخمی ہوگئے تھے۔
