پاکستانی افواج نے بھارتی چوکیوں اور رہائشی علاقوں کو نشانہ بنانے کی غرض سے زور دار گولہ باری کی۔
گولہ باری کے دوران پاکستانی افواج نے چھوٹے اور درمیانہ درجہ کے ہتھیاروں کا استعمال کیا۔
فوجی ترجمان جموں نے کہا کہ ''پاکستانی افواج نے پونچھ کے کرشنا گھاٹی میں بھارتی چوکیوں کو نشانہ بنانے کی غرض سے فائرنگ کی جس کا بھارتی افواج نے بھی معقول جواب دیا۔ تاہم فائرنگ کی وجہ سے کسی بھی جانی اور مالی نقصان کی کوئی اطلاع موصول نہیں ہوئی ہے۔''
انہوں نے بتایا کہ پاکستانی فوج نے مارٹر گولے داغنے کے علاوہ بھاری اور چھوٹے ہتھیاروں کا استعمال کرکے بھارتی چوکیوں کو نشانہ بنایا جس کا بھارتی فوج بھر پور اور موثر جواب دے رہی ہے۔ '
انہوں نے مزید کہا کہ 'پاکستانی افواج نے راجوری کے نو شہرہ سیکٹر میں بھی گولہ باری کی جس کا بھارتی افواج نے بھر پور جواب دیا۔ تاہم فی الوقت کسی بھی جانب کسی جانی یا مالی نقصان کی کوئی اطلاع نہیں ہے۔ '
