بھارتی خبر رساں ایجنسی اے این آئی اے کے مطابق پاکستانی فوج نے ضلع کٹھوعہ کے ہیرانگر علاقے میں واقع منیاری پوسٹ کے شاہ پور اور کرنی سیکٹر میں بھارتی فوج کی چوکیوں کو نشانہ بناتے ہوئے بلا اشتعال فائرنگ کی جس میں ایک بی ایس ایف جوان زخمی ہو گیا۔
ادھر ضلع پونچھ کے شاہ پور اور کرنی سیکٹر پاکستانی فوج نے فائرنگ کی، تاہم کسی مالی یا جانی نقصان ہونے کی اطلاع موصول نہیں ہوئی۔
ایجنسی کے مطابق پاکستانی فوج نے قریباً 7 بجکر 45 منٹ پر فائرنگ شروع کر دی تھی۔
ترجمان نے بتایا کہ بھارتی جوانوں کی پاکستانی فائرنگ کا بھر پور جواب دیا۔
واضح رہے کہ سنہ 2003 میں دونوں ممالک کے درمیان لائن آف کنٹرول پر جنگ بندی کا معاہدہ ہوا تھا۔ اس کے بعد بھی دونوں ممالک ایک دوسرے پر معاہدے کی خلاف ورزیوں کے الزامات عائد کرتے رہے ہیں۔
گزشتہ دونوں پاکستانی فائرنگ میں 6 افراد زخمی ہوئے، جن میں 12 سالہ کمسن بچہ بھی شامل ہے۔
ادھر گزشتہ روز پاکستانی حکام نے بھی دعویٰ کیا تھا کہ پاکستان کے زیر انتظام کشمیر میں بھارتی جوانوں کی جانب سے مار ٹر شلنگ کی گئی، جس میں ایک بچہ اور خاتون ہلاک ہو گئے۔
