جموں و کشمیر کے ضلع پونچھ کی تحصیل مینڈھر میں ضلع انتظامیہ کی ہدایت پر ایس ڈی ایم مینڈھر کی قیادت میں ٹیم نے غیرقانونی تجاوزات کے خلاف کارروائی کرتے ہوئے سات سے زائد ناجائز قبضے کو ہٹایا گیا۔ ضلع ترقیاتی کمشنر کی ہدایت پر ایس ڈی ایم مینڈھر جہانگیر خان کی سربراہی میں مینڈھر ٹاؤن میں منی سیکرٹریٹ کے قریب کے علاقے میں انتظامی اہلکاروں کی جانب سے غیر قانونی تجاوزات کے خلاف مہم چلائی گئی اور 7 کنال 9 مرلہ اراضی پر سے ناجائز قبضہ کو ہٹایا گیا۔ Anti Encroachment Drive in Mendhar
اس موقع پر مینڈھر کے لوگوں نے انتظامیہ کے اقدامات کو سراہتے ہوئے لیفٹیننٹ گورنر انتظامیہ سے اپیل کی ہے کہ مینڈھر ٹاؤن کے نزدیکی علاقوں میں بھی اس طرح کی مہم چلائی جائے اور سبھی ناجائز تجاوزات کو فوری طور پر خالی کرایا جائے تاکہ امیر اور غریب کے ساتھ یکساں سلوک کیا جا سکے۔
