ضلع پونچھ کی تحصیل منڈی کے ڈنہ لورن میں اس وقت کہرام مچ گیا جب ایک نوجوان کی لاش مشکوک حالت میں مسجد میں پائی گئی۔ جس کی شناخت شہراز احمد تانترے ولد محمد یوسف تانترے ساکنہ کھڑپہ لورن کے طور پر کی گئی۔
اس حوالے سے مرحوم کے دادا نظیر احمد نے شبہ ظاہر کیا کہ اس کو نشہ آور کوئی چیز کھلاکر قتل کیا گیا ہے۔ کیونکہ سماج کا ہر فرد جانتا ہے کہ یہ نوجوان نہائیت ہی شریف النفس تھا۔
انہوں نے کہا کہ 'اس کو یہاں کے کچھ منشیات کی لت میں ملوث نوجوانوں نے موقع کا فائیدہ اٹھاتے ہوئے کھیل کے بہانے لے گئے اور وہاں اس کو نشہ ہی دیا گیا ہے۔ باقی اس کی موت کی اور کوئی وجہ تو معلوم نہیں ہوتی ہے'۔
یہ بھی پڑھیں: کہاں بنتی ہے آپکی پینسل؟
مقامی باشندہ سلام الدین نے بتایا کہ 'لورن میں دو سال قبل ایک نوجوان کی موت منشتات کی وجہ سے وقع ہوئی تھی۔ لیکن آج پھر وہی دن دیکھنے کو ملا اس پر انتظامیہ کو کڑے اقدام کرنے کی ضرورت ہے۔
مقامی لوگوں نے پولیس انتظامیہ سے اپیل کی کہ اس معاملہ کی باریک بینی سے تحقیقات کی جائے اور اس میں ملوث افراد کو سخت سے سخت سزا دی جائے تاکہ آئیندہ ایسے حادثات رونما نہ ہو سکیں۔
