پونچھ: جموں و کشمیر کے ضلع پونچھ کے وارڈ نمبر 1 سکھا کٹھہ میں کرنٹ لگنے سے ایک 25 سالہ خاتون کی موت ہوگئی۔ لواحقین سے موصولہ اطلاع کے مطابق جمعرات کی شام تقریباً 5 بجے سکھا کٹھہ کی رہنے والی ایک 25 سالہ خاتون واش روم گئیں تو پانی کے ٹپ میں بوائلر لگا ہوا تھا جس میں کرنٹ آگیا اور اسے کرنٹ لگ گیا جس کے بعد وہ زمین پر گر پڑی۔ گھر کی ایک خاتون نے انہیں زمین پر بے ہوش پڑا دیکھا تو گھر کے دیگر ارکان کو موقع پر بلایا۔ فورا پانی کے ٹپ سے بوائلر نکالنے کے بعد خاتون کو علاج کے لیے راجہ سکھدیو سنگھ ڈسٹرکٹ ہسپتال پونچھ لے جایا گیا۔ جہاں پر ڈاکٹروں نے اسے مردہ قرار دیا۔ Women Electrocuted in Poonch
ہلاک ہونے والی خاتون کی شناخت خالدہ پروین زوجہ محمد قیوم عمر 25 سال ساکن فتح پور منڈی کے طور پر ہوئی ہے جو اس وقت پونچھ نگر کے علاقے سکھا کٹھہ میں اپنے خاندان کے ساتھ رہ رہی تھی جب کہ پولیس نے اس سلسلے میں کیس درج کر کے قانونی لوازمات مکمل کرنے کے بعد لاش لواحقین کے حوالے کر دی ہے۔ Women Electrocuted in Poonch
یہ بھی پڑھیں :Man Electrocuted in Budgam: بڈگام میں 25 سالہ نوجوان کرنٹ لگنے سے ہلاک
