قومی دارالحکومت دہلی میں نائب صدر ایم وینکیا نائیڈو نے جمعرات کو جاری ایک پیغام میں کہا کہ اڈیشہ روحانی خوشحالی کی ریاست ہے۔
انہوں نے کہا کہ 'اڈیشہ کے یوم تاسیس کے موقع پر ریاست کے عوام کی صحت، تعلیم اور روشن مستقبل کی کے لیے دعا گو ہوں'۔
انہوں نے مزید کہا کہ 'اڈیشہ روحانی خوشحالی اور بھگتی روایات کا خطہ ہے اور یہاں کی فن تعمیر و کاریگری، اوڈیشہ کو توجہ کا مرکز بنادیتی ہے'۔
اس حسین موقع پر ریاست کے عوام کو میری دلی مبارکباد۔
واضح رہے کہ اس سے قبل 30 مارچ کو راجستھان کے یوم قیام پر نائب صدر ایم وینکیا نائیڈو نے ریاستی عوام کو روشن مستقبل کی دلی نیک خواہشات پیش کی تھی۔
انہوں نے مزید کہا تھا کہ 'ریاست کی بہادری کی روایت نے ملک کی تاریخ کو روشن کیا ہے، یہاں کی رنگا رنگ ثقافت، آرکیٹیکچرل شان و شوکت ملک کی ثقافتی ورثہ کو قابل فخر بناتے ہیں'۔
انہوں نے کہا تھا کہ 'ملک کی ترقی میں ریاست کی حصہ داری قابل ستائش ہے'۔
