بھونیشور: اسپیشل ٹاسک فورس (ایس ٹی ایف) کے اہلکاروں نے اوڈیشہ کے راوڑکیلا میں ایک بین ریاستی مجرم کو گرفتار کرکے اس کے پاس سے تقریباً 16 لاکھ روپے کے جعلی نوٹ، ایک لیپ ٹاپ اور کلر پرنٹر ضبط کیا ہے۔ ایس ٹی ایف ذرائع نے اتوار کو یہ جانکاری دی۔STF seizes Rs16 lakh fake currency notes
ذرائع نے بتایا کہ اطلاع کی بنیاد پر ایس ٹی ایف نے راوڑکیلا ضلع پولیس کی مدد سے ملزم ایس کے احمد کو ہفتہ کو گرفتار کیا۔ وہ دہلی کے بدر پور تھانہ علاقے کے تحت مولر باندھ کا رہنے والا ہے، اس وقت وہ راوڑکیلا میں مقیم تھا، تلاشی کے دوران اس کے پاس سے 16.11 لاکھ روپے کے جعلی نوٹ، ایک لیپ ٹاپ اور ایک کلر پرنٹر اور دیگر مجرمانہ دستاویزات برآمد کر کے ضبط کر لیے گئے۔ Fake Currency in Odisha
ملزم کے خلاف ہفتہ کو سیکٹر 15 پولیس اسٹیشن، راوڑکیلا میں تعزیرات ہند کی دفعہ 489-اے/489-بی/489-سی/489-ڈی/120 (بی) کے تحت مقدمہ درج کیا گیا تھا۔ معاملہ زیر تفتیش ہے۔ اس سے قبل جولائی 2022 میں ایس ٹی ایف نے 29 لاکھ روپے کے جعلی نوٹ ضبط کیے تھے اور چار ملزمان کو گرفتار کیا تھا۔
یہ بھی پڑھیں: مغربی بنگال: لاکھوں روپے کے جعلی نوٹ کے ساتھ نوجوان گرفتار
بارہ بنکی: جعلی نوٹ سپلائی کرنے والے گروہ کا انکشاف
یو این آئی
