آج شہر کے رمضان پورہ علاقہ میں 23 سالہ فاطمہ جمیل احمد نامی خاتون نے پھانسی لگا کر خودکشی کر لی.
سوشل ورکر شفیق انٹی کرپشن نے بتایا کہ اس خاتون کا سسرال مالیگاؤں کا ہے اور مائیکا ایگت پوری میں ہے۔ انھوں نے بتایا کہ لاک ڈاؤن کی وجہ سے اس خاتون کے خاوند جمیل احمد نے بیروزگار ہوچکے تھے اور گھر میں فاقہ کشی کی نوبت آگئی تھی.
انہوں نے کہا کہ یہ خاتون گلی محلے میں مانگ کر گزارا کر رہی تھی. پھانسی لگانے سے قبل خاتون نے دس روپئے قرض لیکر بچہ کو دودھ پلایا تھا۔
مالیگاؤں شہر میں ایک ہفتہ کے دوران تین خودکشی کے واقعات پیش آئے ہیں جبکہ لاک ڈاؤن کے دوران دس سے زائد افراد نے خودکشی کی ہے۔
