کیا پنکجا شیوسینا میں شامل ہوں گی؟

بھارتیہ جنتا پارٹی کی رہنما پنکجا منڈے نے گزشتہ روز اپنے فیس بک پیج پر ایک پوسٹ کیا تھا۔ اس میں انہوں نے لکھا ہے کہ وہ اپنے والد گوپی ناتھ منڈے کی سالگرہ کے روز یعنی 12 دسمبر کو اپنے مستقبل کے تعلق سے مناسب فیصلہ کریں گی۔

اس کے ساتھ ہی پنکجا نے اپنے ٹویٹر اکاؤنٹ سے اپنی پارٹی کا نام ہٹا دیا ہے جس کی وجہ سے ان کے پارٹی سے ناراض ہونے کی خبریں گشت کر رہی ہیں۔

بشکریہ ٹویٹر

شیوسینا کے رکن پارلیمان سنجے راؤت نے اشارہ دیا ہے کہ بی جے پی کی رہنما اور سابق ریاستی وزیر پنکجا منڈے شیوسینا کے رابطے میں ہیں اور سچ کیا ہے جلد ہی سب کے سامنے آ جائے گا۔