سنجے راوت سے پوچھا گیا کہ کیا وزیر اعظم کو حلف برداری کی تقریب میں مدعو کیا جائے گا تو راوت نے کہا کہ ہاں، ہم سب کو مدعو کریں گے۔ ہم امیت شاہ کو بھی مدعو کریں گے'۔
گذشتہ روز این سی پی، کانگریس اور شیوسینا کے رہنماؤں کے ایک وفد نے مہاراشٹر کے گورنر بھگت سنگھ کوشیاری سے ملاقات کی،جس کے بعد اعلان کیا گیا کہ ادھو ٹھاکرے 28 نومبر کو اپنے عہدے و رازداری کا حلف لیں گے۔
ریاست میں شیوسینا ، این سی پی اور کانگریس کے اتحاد مہا وکاس اگھاڑی کے رہنماؤں نے گورنر کو ایک مکتوب دیا تھا جس میں اعلان کیا گیا تھا کہ ٹھاکرے کو مہااگھاڑی کا لیڈر منتخب کیا گیا ہے۔
سپریم کورٹ نے بدھ کی شام 5 بجے سے قبل فڑنویس حکومت سے 288 رکنی اسمبلی میں اپنی اکثریت ثابت کرنے کو کہا تھا۔
واضح رہے کہ 23 نومبر کو صبح 8 بجے دیویندر فڑنویس نے وزیر اعلی کا حلف لیا تھا اور این سی پی رہنما اجیت پوار نے نائب وزیر اعلی کے طور پر حلف لیا تھا۔
