اس وارڈ سے مرحوم بلند اقبال نہال احمد جنتادل سیکولر سے بطور کارپوریٹرتھے۔
مرحوم بلند اقبال کی وفات مہلک مرض کی وجہ سے 16 ستمبر 2019 کو ہوئی تھی۔
مرحوم کے انتقال کے بعد نہال احمد کا کوئی سیاسی جانشین نہ رہا، البتہ مرحوم کی بہن شان ہند نہال احمد وارڈ نمبر 15 نیاپورہ سے کارپوریٹر ہیں اور گروپ لیڈر کے عہدے کی مضبوط دعویدار بھی ہیں لیکن جنتادل سیکولر وارڈ نمبر 12 سے مرحوم کی اس سیٹ پر ایک تعلیم یافتہ و تجربہ کار شخص کو امیدوار بنانا چاہتی ہے۔
وارڈ نمبر 12 ضمنی انتخاب کے لیے اب تک کسی بھی پارٹی نے امیدوار کے نام پیش نہیں کئے ہیں۔
البتہ سلیم اپسرا، پروفیسر رضوان خان ، مستقیم ڈگنیٹی وغیرہ کے نام خبر میں ہیں۔
اسی طرح سے گٹ نیتا کے عہدے کے لیے مہا گٹھ بندھن کی جانب سے ایم آئی ایم کے نو منتخب رکن اسمبلی مفتی محمد اسماعیل قاسمی نے بھی کسی بھی امیدوار کے نام کا اعلان نہیں کیا ہے۔
البتہ مقامی افراد کا کہنا ہے کہ شان ہند ، ڈاکٹر خالد پرویز اور اعجاز بیگ میں سے ہی کوئی ایک گٹ نیتا عہدے کیلئے منتخب ہو سکتے ہیں۔
