بتایا جاتا ہے کہ بوریولی ریلوے اسٹیشن کے قریب اُرمیلا ماتونڈکر جب ریلی سے خطاب کر رہی تھیں، اس وقت بی جے پی کے چند کارکنان نے اعتراض کیا اور مودی مودی کے نعرے لگانے لگے۔
ارمیلا ماتونڈکر، امیدوار، کانگریس پارٹی
اس کے جواب میں کانگریسیوں نے 'مودی چور ہے'کے نعرے لگائے جس کے بعد دونوں پارٹیوں کے اراکین کے درمیان مار پیٹ شروع ہو گئی۔
انہوں نے کہا کہ ملک میں خواتین محفوظ نہیں ہیں اور آج کا واقعہ اس کا جیتا جاگتا ثبوت ہے۔
انہوں نے بے باکی سے کہا کہ وہ بی جے پی کے ذریعہ طاقت کے استعمال سے ڈرنے والی نہیں ہیں۔
ماتونڈکر ممبئی شمالی لوک سبھا حلقہ سے کانگریس کے ٹکٹ پر قسمت آزما رہی ہیں اور بی جے پی کے امیدوار گوپال شیٹی کے خلاف انتخاب لڑ رہی ہیں۔
