اوما بھارتی نے مہاراشٹر کے وزیراعلی ادھو ٹھاکرے خط لکھ کر ان کے والد بال ٹھاکرے کی عظمت یاد دلانے کی کوشش کی اور مطالبہ کیا کہ پالگھر میں ہوئے ہجومی تشدد کی وائرل ویڈیو میں نظر آنے والے پولیس اہلکاروں سمیت تمام ملزمین کو سزا دی جانی چاہیے۔
اوما بھارتی نے خط کی شروعات میں بال ٹھاکرے کا ذکر کرتے ہوئے کہا کہ ادھو تھاکرے کو کہا کہ آپ ایک عظیم ہستی کے بیٹے ہیں۔
انہوں نے مطالبہ کیا کہ 'ہجومی تشدد کی وائرل ویڈیو میں پولیس اہلکاروں کو دیکھا گیا ہے جہاں وہ متاثرہ افراد کو بچانے کے بجائے اپنی ذمہ داری سے بچتے ہوئے نظر آرہے ہیں، ان پر قتل کی دفعات کے تحت مقدمہ درج کرنا چاہیے۔
بھارتی نے مزید لکھا کہ 'ان پولیس اہلکاروں پر بھی قتل کا الزام ہے، ان پر بھی آئی پی سی 302 کے تحت مقدمہ درج کیا جانا چاہیے، اگر وہ چاہتے تو وہ سادھووں کی جانیں بچا سکتے تھے۔
اپنے بیان میں انہوں نے زور دیتے ہوئے کہا کہ 'اگر ادھو ٹھاکرے پولیس اہلکاروں سمیت قصورواروں کے خلاف مقدمہ درج کروانے میں ناکام رہے تو وہ بھی اس فعل کا حصہ ہوں گے۔
خط میں بی جے پی کے نائب صدر نے اس ہجومی تشدد پر افسوس کا اظہار کیا ہے۔ انہوں نے کہا کہ اگرچہ ادھو ٹھاکرے اس واقعہ کے لیے انفرادی طور پر ذمہ دار نہیں ہوسکتے ہیں لیکن چونکہ یہ تشدد ان کی ریاست میں ہوا ہے، لہذا ادھو ٹھاکرے ذمہ دار ہیں کہ وہ ملزمین کے خلاف کاروائی کریں۔
اوما بھارتی نے مزید لکھا کہ وہ ان سادھوں کی یاد میں ایک دن کا ورتھ(روزہ) بھی رکھیں گی۔
بی جے پی رہنما نے کہا کہ وہ لاک ڈاؤن ختم ہونے کے بعد پالگھر کا دورہ کریں گی۔
