ممبئی پولس کے سابق کمشنر پرمبیر سنگھ کی جانب سے وزیر اعلی اور ریاستی گورنر کو روانہ کردہ خط میں ریاستی وزیرداخلہ انیل دیشمکھ پر سنگین الزام عائد کرتے ہوئے لکھا کہ دیشمکھ ہر ماہ 100 کروڑ روپے وصولی کا ہدف دیا کرتے تھے۔ سنگھ نے ان معاملات کے خلاف جمعرات کو ہائی کورٹ میں ایک عرضی دائر کی تھی۔
موصولہ اطلاعات کے مطابق وزیرداخلہ کے خلاف مزید دو عرضیاں ہائی کورٹ میں دائر کی گئیں ہیں۔ انہوں نے ان معاملات کی تحقیقات مرکزی ایجنسی سی بی آئی سے کرانے کی درخواست کی گئی ہے۔ ایڈوکیٹ دھنشیام اپادھیائے اور پونے میں مقیم سماجی خدمتگار ہیمنت پاٹل نے یہ عرضیاں دائر کی ہیں۔ دونوں نے وزیر اعلی ادھو ٹھاکرے کو پیرمبیر کے لکھے ہوئے خط کا ثبوت دیا ہے جس میں ان کی درخواست میں دیشمکھ پر الزام لگایا گیا تھا۔
یہ بھی پڑھیں: ممبئی: غیر مسلموں کی مسجد میں آمد کیوں؟
اپنی درخواست میں اپادھیائے نے لکھا ہے کہ پرمبیر نے دیشمکھ کے خلاف جو الزامات عائد کیے ہیں ان کی گہرائی سے تحقیقات کی ہیں۔ انہوں نے یہ بھی مطالبہ کیا کہ پولیس اور سیاسی رہنماؤں سے صنعتکار مکیش امبانی کی رہائش گاہ کے باہر دھماکہ خیز مواد کی جگہ سے لے کر دیشمکھ کے خلاف لگائے گئے 100 کروڑ وصولی کے ہدف کی سی بی آئی کے ذریعہ آزادانہ تفتیش کی جانی چاہئے۔ جبکہ ہیمنٹ پاٹل نے معطل پولیس آفیسر سچن وازے کے مرتکب جرم پر آنکھیں بند کرنے والے دیشمکھ اور پرمبیر کے خلاف کارروائی کا مطالبہ کیا ہے۔
