بھیونڈی پولیس سے موصولہ اطلاعات کے مطابق بھیونڈی شہر کے شاستری نگر میں واقع نوشین نامی 24 برس کی خاتون اپنے شوہر خالد حسین شیخ کے ساتھ رہ رہی تھی۔ گزشتہ ماہ 29 اگست کو نوشین غیبی نگر واقع اولیاء مسجد کے احاطے میں اپنے مائیکے گئی تھی۔
متاثرہ خاتون کے مطابق اس کے شوہر نے موبائل پر فون کرکے کہا کہ وہ اپنی والدہ کے گھر کیوں گئی ہے؟ اسی اثناء میں بات چیت کرتے ہوئے معاملہ گالی گلوچ تک پہنچ گیا اور خاتون کا الزام ہے کہ اس کے شوہر نے موبائل پر ہی کہا کہ اب مجھے تیرے ساتھ نہیں رہنا ہے اور میں تجھے ابھی اسی وقت طلاق دیتا ہوں یہ کہتے ہوئے اس نے تین طلاق دے دیا۔
مزید پڑھیں:
'بی ایم سی نے میرے دفتر پر قبضہ کر لیا'
اس کے بعد متاثرہ نوشین نے شانتی نگر پولیس اسٹیشن میں اپنے شوہر خالد کے خلاف آئی پی سی کی دفعہ 323 اور 506 سمیت مسلم خواتین کے حقوقِ تحفظ کے قانون کی دفعہ 4 کے تحت مقدمہ درج کرادیا ہے۔ جس کی تفصیلی تحقیقات پولیس سب انسپکٹر ہوناجی چرماڑے کررہے ہیں۔
